des glück von an kind

kann a schaumhäferl sein

des glück von an kind

kennan regntropfn sein

de im summa am asphalt foin und nockad vaglühn

des glück von an kind

kann afoch sein

des glück von an kind

kann a marienkäferl sein

des glück von an kind

kann a hand zan hoidn sein

de im winta wann s gfrorn hot an auffangt und waamt

des glück von an kind

kann afoch sein

und wannst ned grod a glückskind bist

vom frischn neichn mond

dann san fia di de sonntog olle gleich

wannst owa a glückskind bist

von an echtn neichn mond

kann söbst a grauer donnerstog fia di zun sonntag wean

weu de sonntag hom ollaweu scho den glückskindern gheat

san reserviert fia de ganz bsondan leut

owa des glück von an kind

muass ka sonntagsgwand trogn

des glück von an kind

muass kann schülling nochjogn

des glück von an kind kann ois sein oda nix

des glück von an kind

kann afoch sein

© Verena Göltl