da rode mohn wiad nimma bliahn

wann mia uns nimma seng

an summa so wia domois

wiad s woi nimma gem

direkt aus ana aundan zeit

wo dir mei herz so kostboa woa

ois wia da easchte schnee

da rode mohn wiad nimma bliahn

wann mia uns nimma seng

nur lauter griane stengln

wean iwas föd maschiern

wean nockad eanan klaanen kopf

in richtung himmü drahn

wean joah fia joah aufs neiche frong

wia s klungen hom, de bliah

wia s grochn hot, de luft

wia s a se augschbiat hot, des rot

und nur an rodn windhauch

waht s ob und zu daher

aus ana aundan zeit

de kennt scho kana mehr

© Verena Göltl