es is no ned ois vamessn

i hob’s no ned gaunz durchschaut

de zeit rennt oft gnua gegn mi

i hinterher und nebn mir

vastraan si splitter ana ewigkeit

in an beiboot auf kurs mit an zü

es is scho vü gschegn und gwesn

i bin schon a weu dabei

i kenn mi guat und teisch mi ned

vertrau ma blind und stö mi bled

misch meine koatn bis ans end vo heit

in an beiboot auf kurs mit an zü

moi driwa

moi drunta

moi miada

moi munta

i kenn di scho laung und länger

i kenn di vo unt und om

des lem is wiara ringlschbü

du drahst di mid und frogst ned vü

ziagst deine rundn bis ans end der zeit

in an beiboot auf kurs mit an zü

moi driwa

moi drunta

moi miada

moi munta

da wind blost ned oiweu hinter mir

dann drari mi um

i nimm no an otemzug und

suach de sunn

moi driwa

moi drunta

moi miada

moi munta

moi friacha

moi schbäda

moi groda

moi schräga

moi lauda

moi leisa

moi bleda

moi weisa

© Verena Göltl